Dienstag, 08. November 2016

D2: Spiel gegen STV Wil 1

Am allerersten Dienstag des November 2016 empfängt das Damen 2 die wilerischen Bärinnen und deren zwei Trainer. Soweit so gut. 

Nach den zyklischen Liegestützen-und-Bauchmuskeltrainingswellen sind wir eigentlich schon fast bereit fürs Spiel und so ziehen wir bald motiviert in den ersten Satz. Eis nachem andere holen wir uns die lieben Punkte, und auch wenn die Wiler Bärinnen immer mithalten können unds am Schluss auch es bizli knapp wird, gewinnen wir den ersten Satz mit 24:26.

Samstag, 15. Oktober 2016

Freitag

Hüt morge sind mer all top motiviert für die letschte zwei Trainingseinheite ufgstande. Wie immer hemmer eus de zMorge gönnt und sind denn pünktlich uf die 9ni i de Hallene erschine fürs warmup vom Dimi. Denn simmer all i eusi zueteilte Gruppe gange, zum sThema Agriff aluege. STraining vo de Leiter isch wie immer mit Ringli prägt worde. Hüt sinds psunders grosszügig gsii. Uf die 12:00 gahts denn wieder uf de zMittag i d’Truppeunterkunft. S’Esse isch göttlich gsii. D’Chuchi het ihre Applaus wie immer wohlverdient überchoo. Jetzt hemmer no öppe 1h zum eifach chli chille gha, bis es am 2 wieder wiiter gange isch mit em Training. Wie gwohnt gend nachem Warmup all i ihri Gruppenen und trainiered mit vollem Elan. Nachem Training erwartet eus scho dSchwiizergarde (Militär) vor de Truppeunterkunft. Sie sind leider nid sehr erfreut über eusi ahweseheit. I de Unterkunft acho hets scho richtig geil nach esse gschmöckt. Wie immer gits zur letschte Mahlziit Hamburger.

Freitag, 14. Oktober 2016

Donnerstag

Mier hend Dunnstig, de 13. Oktober.

Wieder mal vom Schurti sinere zauberhafte Playlist gweckt, hemmer ois na biz verschlafe und mit vode Zauberbanane verstärchtem Muskelkater zum Zmorgetisch kämpft. Dennoch simmer wie immer topmotiviert pünktlich am 9i ide Halle gstande(sitze döfme ja nöd lut Seraina). Nachem unterhaltsame Zoo-fangis simmer i oisi Trainingsgruppe gange. Hüt isch bi allne intensivs Blocktraining agseit gsii. Oisi Leiter hend mit Ring fürd Lagerchallenge um sich gschmisse als gäbs keis Morn. Jasscharterate, Ringgumpe und Is-Eggli-Seckle sind da nur wenigi Biispil vo ihrere Kreativität. Insgesamt hends öpe glich vil Ring verteilt wi ide bisherige Täg.

Ussert sEsse, das isch super, Applaus füd Chuchi!

Am Nami isch denn sTurnier agseit gsi. dTeams sind für jedes Spiel mittels Jasscharte neu usglöslet worde. Zwar hend dMinis (U15) am Afang na chli Müeh gha mit de Netzhöchi, aber sie hend das zimli bald au guet gmeisteret. Es sind alli mit Freud a die Spiel ane, au wenn si teilwiis schinbar ussichtslos gsi sind.

Mi sind zwar erschöpft gsi, aber mi hend ois namal zemegrisse und sind zum Lagerhus zruggchroche, wilmer gwüsst hend, dass en feine Zvieri vom Boo uf ois warted (jaa, sini Studenteschnitte isch fein gsi). De Pingpongtisch schint e magischi Chraftquelle zsii, wil bim Rundlauf sind wieder alli grennt, als hetted si na vorigi Energie.

Die coole Ritter sattled jetz ihri Ross und gönd uf i ihre Kampf gege sBöse.

Mittwoch, 12. Oktober 2016

Mittwoch

Ohni Frag sind hüt Morgre alli Hand in Hand mitem Muskelkater em Himmelbett entstiege und hend sich mit Müeh und Not bis zum Zmorgetisch kämpfet. Doch zum Glück hend eus eusi Multisternchöch wieder ratz fatz uf d Bei bracht. Aber s Glück hett eus schnell verlah, de bös Klerus het nämlich die genial Idee gha eus in voller Montur durchs Trainingsgländ z jage. Die früsch tankti Energie vom Zmorge isch i Null Komma nix wieder in Schweiss uufglöst worde. Küchend und huestend simer id Halle und hend päärliwiis kräftiged. Als letschti warm-up Üebig hets no es Alle-gegen-Alle geh. De hütigi Schwerpunkt isch Defense xii, was sovill heisst wie Kanone-Füür uf diini Unterärm (und mängisch au an Chopf). Wie Fässer simmer dur t Halle grollt und sind de Ball a unmögliche Stelle go chratze. Bevor mier hend dörfe go Zmittag esse, hemmer eus binere lange Yoga-Session erneut chöne verspanne.

Hauptsponsor

Nachwuchssponsor

Sponsor

Partner

Ausrüster

Mitglied bei