Freitag, 12. Oktober 2018

Am 7:15 Uhr simmer dur die wunderschöni Stimm Rammsteins gweckt worde. Nach mal wieder emne chöstliche Zmorge, hemmer eus meh schlecht als recht zude Halle begeh.

Hüt am Morge hemmer sThema blocke gha. Aber zersch hemmer eus vorbildlich mitere Stafette ufgwärmt.

S’Team LSD het natürlich wieder super abgrumt (wie immer). Nach dem ahsträngende ilaufe hämer eus i die drü Gruppe ufteilt und händ wie, wo, wenn, wie höch und wie schnell meh blocke söt ah gluägt.

Nachem z’Mittag het sich au de Nico wieder zu eus geselt, genau rechtziitig fürs alljährliche Smash Allstar Miniturnier. Bim Turnier hets sehr viel zbeobachte geh. Mer het chöne Sieg gseh wie au de Frust über schmerzlichi Niederlage. Es het au gueti Spielerkombinatione geh und denn hets no sönigi geh wo WeissGottNed funktioniert hend.

Am Abig hemmer denn nachere gnüssliche Rundi Walter gspielt mit Zwätschgetäsche und Vanillglace is Bettli dörfe.

Hauptsponsor

Nachwuchssponsor

Sponsor

Ausrüster

Mitglied bei