Montag, 08. Oktober 2018

Ready, Steady, Go!

Am Suntig Mittag sind zahlrichi Smashler am Winti HB iitroffe. Mir hend eus mit em Zug uf de Wäg is schöne Land vo de Willisauer Ringli gmacht. Eusi super Stimmig isch nur no toppt worde vo de fründlichste Postautofahrerin, wo eus bis zu de Unterkunt gfahre het. Bi eusere Akunft hemmer mit Schrecke müese feststelle, dass eusi letschtjährigi Behusig abgrisse worde isch. Nachdem mir e churzi Schweigeminute em übrigblibene Erdhügel gwidmet händ, hemmer eusi Zimmer bezoge und sind i eusi Ämtligruppe ufteilt worde.

Sobald mer s Lagerthema erfahre händ – nämli «Flower Power» – hemmer i eusne Gruppe derfe en Hippiebus bastle. Die einte sind extrem fliessig gsi und hend kompletti drü Stund dri investiert, was de ersti Platz zur Folg gha het (übrigens mir :D). A dem Aabig sind denn au scho die erste 9 Ringli verteilt worde. Und zwar werded au das Jahr für gunneni Aktivitäte Pünkt verteilt in Form vo farbige Ringli. Zum Abschluss vo dem hüttige Tag hemmer no en Hippiefilm glueged. Debi hend leider d Leiter en grosse Fehler begange und de Film nöd vorglueged. Drum sind die Chlinste scho nach de Halbziit go pfüsele. Au de Rest isch denn bald id Better ghüpft und hett sich uuf s erste Training gfreut.

THE HANGING TREES

Hauptsponsor

Nachwuchssponsor

Sponsor

Ausrüster

Mitglied bei